José Tomé Roca subliñou que a institución busca consolidar un modelo turístico sostible e de calidade, incorporando “ás múltiples opcións” existentes o turismo “ligado ás rodaxes”, unha vía “moi interesante e frutífera para a promoción do territorio” que pode converterse ademais nun “factor de desenvolvemento do rural”

“As rodaxes teñen un retorno económico directo e logo, o impacto da estrea abre unha nova vía de desenvolvemento, ao atraer visitas aos lugares onde se ambientaron producións de éxito, como poden ser O Sabor das Margaridas, Doghs, O que Arde ou Live is Life, por citar só algunhas das máis recentes”, explicou o Presidente

A Ministra de Industria, Comercio e Turismo asistiu á presentación da nova campaña turística da Deputación, celebrada no stand de Turespaña, na que persoeiros vinculados co sector audiovisual aportaron o seu punto de vista sobre o potencial e os valores da provincia como fonte de inspiración e plató de rodaxe