José Tomé Roca reafirma deste xeito o seu compromiso co Concello e cos veciños e veciñas de crear o Centro de Atención a Maiores, que agora se adapta ao modelo asistencial da institución provincial, pasando de pisos tutelados a unha residencia con practicamente un coidador por usuario, que favorece o arraigo, e crea riqueza e emprego

“Continuamos cunha política de feitos, que é a única útil para a cidadanía, aínda que temos que lamentar de novo a falta de apoio da Xunta, a administración que por Lei ten as competencias en servizos sociais e que, sen embargo, non colabora para nada coa Deputación para abrir estas residencias que tan bo servizo están prestando”

A institución abriu dende o ano 2019 un total de 6 residencias –na Fonsagrada, Castroverde, Pedrafita do Cebreiro, Meira, Navia de Suarna e Ribas de Sil-, que se suman ás tres que estaban en funcionamento –en Trabada, Ribadeo e Pol-. Ademais, avanza noutros 9 proxectos, entre eles o de Portomarín