A institución provincial adquiriu 334 exemplares desta obra do profesor monfortino Pedro Gómez, en cuxas páxinas “asoma a gran historia do noso sistema educativo, pero tamén as pequenas historias persoais de mestres e mestras, mecenas, reformadores educativos e alumnos”, subliñou José Tomé

“Como ocorre con todos os libros que recuperan e poñen en valor o noso pasado, esta obra debe servirnos tamén para pensar no futuro. Se queremos desenvolvemento, emprego, innovación, respecto ao medio ambiente ou o impulso da cultura, só o podemos facer da man dun sistema educativo ben deseñado e ben financiado”, asegurou