José Tomé Roca e Miguel Fernández Méndez comprobaron este xoves a evolución dos traballos entre a Glorieta de Garaballa e a de Benigno Rivera, que virán completar a renovación desta entrada á cidade cun investimento total da Deputación de 2,4M€

Informou o mandatario provincial que “estamos a traballar moi rápido e seguramente acabemos antes do previsto, poderemos comezar co estendido do outro carril en 10 ou 15 días, cando rematemos os traballos das marxes coa instalación das tubaxes”

“Xa é visible o cambio que vai experimentar este acceso á cidade, nunha zona con gran peso comercial e industrial, e que se adaptará á perfección co desenvolvemento de futuros solos e co modelo de cidade aberta e sostible”, valorou o Rexedor