Suben practicamente un 10,5% con respecto a este ano grazas ao aumento da participación nos tributos do Estado en máis de 8,6M€

“Son uns presupostos expansivos e profundamente sociais”, subliñou a Deputada de Economía, Recadación e Facenda, quen explicou que servirán para seguir cumprindo co proxecto do Goberno provincial, centrado en achegar e mellorar os servizos públicos “sobre todo ós veciños do rural”, e apoiar a economía e ós sectores produtivos

A Deputación dedica máis dun terzo dos orzamentos, 37M€, ás políticas sociais; 11M€ dos cales son para manter e seguir ampliando a rede de centros de maiores, con oito xa en marcha e a previsión de abrir a residencia de Ribas de Sil nas vindeiras semanas

O Plan Único está dotado con 11M€, que aumentarán ata os 21,5M€ coa incorporación de remanentes. Mayra García destacou que neste mandato a institución provincial leva inxectados 85,3M€ nos concellos da provincia para acometer 1.500 obras e subministracións e crear 1.200 postos de traballo