Menu toggle
Benestar Social
PORTADALUGOTERMAL
 
PROGRAMA LUGOTERMAL 2022-2023 

 

Lugo Termal é o programa de termalismo da Deputación de Lugo a través do que se ofrece aos veciños e ás veciñas da provincia que teñan máis maiores de 50 anos de idade, e acompañantes, descontos para recibir tratamentos en balnearios. A institución provincial favorece así o benestar e a calidade de vida dos e das lucensas, ao tempo que dinamiza a economía da provincia a través do turismo termal.

Este é un programa que leva realizándose máis dunha década e que ten moi boa acollida entre a veciñanza.

Inscrición

A Deputación ten en marcha o procedemento administrativo para desenvolver entre este ano e o vindeiro unha nova edición do Lugo Termal, que terá máis de 1.000 prazas. A previsión é que o prazo para que as persoas interesadas poidan presentar solicitude para beneficiarse deste programa se abra a finais deste mes de novembro.

 

 

Pode descargar o TRÍPTICO INFORMATIVO premendo nesta ligazón enlace

Pode descargar o MODELO DE SOLICITUDE en PDF EDITABLE premendo nesta ligazónenlace

Pode descargar o MODELO DE SOLICITUDE en  LIBREOFFICE WRITER premendo nesta ligazónenlace

Modalidades

Na modalidade con estancia, os paquetes con descontos económicos consisten en 6 días e 5 noites, pensión completa, 1 recoñecemento médico, de 15 a 20 técnicas termais e actividades socioculturais. A modalidade de tratamentos sen pernocta inclúe de 30 a 40 técnicas termais durante 10 días (tres ao día) e un recoñecemento médico.

Con este programa de termalismo, a Deputación contribúe á promoción da autonomía persoal e ao envellecemento activo dos maiores, así como á prevención e detección precoz da dependencia para que poidan gozar dunha vida máis saudable e independente, e, ao mesmo tempo, dinamiza a economía a través do turismo de proximidade.

Recursos termais

Galicia é a segunda maior rexión termal de toda Europa e a provincia de Lugo conta desde a época romana cunha longa tradición neste ámbito pola calidade das súas augas mineiromedicinais. O amplo patrimonio termal da provincia constitúe un gran potencial para a captación de máis turismo e, desta forma, impulsar a economía. Os balnearios desenvolven un papel de dinamización socioeconómica no rural contribuíndo a fixar poboación e favorecendo o emprego, principalmente feminino, segundo destaca a Asociación de Balnearios de Galicia.

Termas de Lugo, Augas Santas en Pantón e Río Pambre en Palas de Rei son os tres balnearios da provincia que participan nesta iniciativa, que inclúe dúas modalidades: unha con estancia e pernocta e outra de asistencia diúrna a tratamentos.

 

RESUMO PRAZAS

 

 

Pode descargar o resumo de prazas 2022/2023enlace