Rede de Centros Públicos de Atención a Maiores da Deputación de Lugo
A Deputación de Lugo, xunto con diversos concellos da provincia, subscribiron convenios interadministrativos que permiten a construción e xestión de centros destinados ás persoas maiores.
Os centros de atención a maiores (en diante, CAM) pretenden ser un modelo de atención integrado no marco dos servizos sociais comunitarios específicos, dotando aos servizos sociais municiopais de recursos para os veciños e as veciñas, e tendo como prioridade que non se produza unha rotura coa súa contorna, evitando o desarraigo territorial.
¿Quen pode solicitar praza no centro?
Os centros diríxense ós veciños/as da provincia de Lugo, que teñan máis de 65 anos, ou maiores de 60 anos en casos excepcionais, e que precisen dun recurso de atención por razóns sanitarias e/ou sociais.
¿Quen ten preferencia no acceso ó recurso?
Cando se fai unha solicitude, os servizos sociais do propio concello, ou da Deputación de Lugo, realizan unha valoración e asignan unha puntuación segundo un baremo aprobado nas ordenanzas reguladoras. Neste baremo ten un peso protagonista a vinculación da persoa co centro, tendo os veciños/as do municipio e que polo tanto están arraigados a ese territorio máis posibilidades de acceder. Trátase dun modelo de atención que pretende que a xente que se relacionou toda a vida pase esta etapa vital xunta de novo evitando así o desarraigo territorial e social.
Isto non significa que veciños e veciñas doutros municipios non poidan acceder, pero farano pola orde de puntuación do seu baremo.
¿Onde podo obter información?
- No caso de estar empadroado/a no mesmo municipio onde se atope o centro, tense que dirixir ós servizos sociais do seu concello, que lle informarán dos requisitos e procedemento para o acceso.
- Se se atopa empadroado/a nun municipio diferente onde se atopa o centro, ten que dirixirse aos servizos sociais da Deputación de Lugo. Pode chamar por teléfono ou mandar un correo electrónico para informalo/a ou resolver dúbidas:
Número de teléfono: 982 260 138
Correo electrónico: servizossociais@deputacionlugo.org
¿Onde obteño o modelo de solicitude, e que documentación teño que aportar?
Ten que presentar unha solicitude e un Anexo IV para cada centro no que queira solicitar praza
(prema nos enlaces para descargar os modelos)
E terá que presentar unha única documentación para todas elas:
¿Onde presento a solicitude e a documentación?
Pode achegar a solicitude e a documentación no rexistro da Deputación de Lugo ou en calquera rexistro administrativo público. Tamén pode dirixir a súa solicitude e a súa documentación mediante correo postal á seguinte dirección:
A/A Servizos Sociais da Deputación de Lugo
Praza San Marcos núm. 8 CP 27001 Lugo
Actualmente, ¿a que centros podo presentar a solicitude?
Os centros aos que pode presentar a súa solicitude son:
Se preme en cada un dos seus nomes poderá consultar a ordenanza de acceso de cada un deles:
Para máis información pode consultar os seguintes documentos:
