Benvidos á web da Deputación Provincial de Lugo, un espazo de encontro que abrimos coa finalidade de darvos conta das novidades que atinxen aos 67 Concellos da nosa provincia. Como sabedes, dende o Goberno que teño a honra de presidir traballamos para dar resposta ás necesidades de todos os veciños. A nosa misión é cooperar cos municipios para mellorar a calidade de vida dos preto de 300.000 lucenses. Facémolo, ademais, cun total compromiso de transparencia nas nosas actuacións. Así, con esta web buscamos abrir aos veciños a institución, modernizala e facela eficaz e transparente.

Somos unha Deputación social, rural e coas persoas. Por iso, a nosa filosofía basease no fomento de políticas coas que impulsar a economía, o emprego e os servizos sociais no conxunto da provincia, ao mesmo tempo que apostamos polo rural como medio de vida, favorecendo a igualdade de oportunidades de todos os veciños vivan onde vivan.

Son os principios que marcan as nosas actuacións e proxectos, dos que poderedes atopar aquí toda a información, entre outras moitas cuestións das que vos damos conta neste recuncho, que agardo sexa da vosa máxima utilidade.

Darío Campos
Presidente