O Presidente subliña que a institución provincial “estará, coma sempre, cos traballadores e traballadoras, e cos concellos da Mariña para reivindicar o futuro dos mariñanos e do conxunto da provincia”

O anuncio dun despido colectivo “é a proba clara e palpable de que a empresa estivo xogando con todos nós, dado que unha decisión deste calado non se toma en pouco tempo. Obedece máis a unha política de interese económico e xeoestratéxico”

“Acabáronse as fotos baleiras de contido. A Xunta debe poñer enriba da mesa os intereses de Galicia e tomar exemplo do Goberno vasco no relativo ao apoio das empresas estratéxicas do noso país. Cada ano quedan millóns e millóns de euros do IGAPE que non se aplican”

Ademais dun regulamento electrointensivo competitivo, José Tomé pide ao Ministerio de Industria que analice o retorno económico das axudas que recibiu Alcoa porque en moitos casos non cumpriu cos compromisos: “Se dan ese paso, polo menos que non leven ademais o noso diñeiro”

Plantexa ao Goberno de España que “estudie a posibilidade de entrar no accionariado deste tipo de empresas, como o están facendo outros países europeos como Francia ou Alemaña, que están reforzando un sector público de empresas estratéxicas”