A Deputación enxalza as iniciativas que promoven a inclusión laboral das persoas con discapacidade na inauguración do Proxecto Troya da USC
O Deputado de Promoción Económica e Social, PabloRivera Capón, participou este martes na inauguración do Curso para o Desenvolvemento de Habilidades Empresariais, dirixido a persoas con síndrome de Down e discapacidade intelectual. Neste evento, que tivo lugar na Facultade de Administración e Dirección de Empresas de Lugo, tamén participou o Vicerreitor de Coordinación do Campus de Lugo, Francisco José Fraga López, e a representante da Asociación de Síndrome de Down Lugo Saray Lodeiro Castro, entre outras autoridades.
O obxectivo doProxecto Troyaé aumentar a empregabilidade das persoas con síndrome de Down e con discapacidade intelectual na provincia de Lugo, ao mesmo tempo que busca sensibilizar ás empresas e aos estudantes universitarios en materia de emprego. Nesta liña, Rivera Capón recordou que “a Deputación de Lugo estará sempre do lado das iniciativas que poñen ás persoas no centro, porque o desenvolvemento económico non ten sentido se non trae consigo dignidade e igualdade para todas as persoas”.
