Os Monstruiños competirán no Campionato de España de squash co apoio do Goberno da Deputación
O Goberno da Deputación achega preto de 5.000 euros para gastos de temporada do club e de dúas das súas promesas, campións galegos na categoría Sub 13
Os próximos 15, 15 e 17 de febreiro celébrase en Lugo o Campionato de España Sub 11 e Sub 15, nas modalidades masculinas e femininas
Con motivo do Campionato de España de squash Sub 11 e Sub 15 que se celebrará esta fin de semana no Pazo Universitario de Lugo, o Deputado de Deportes, Pablo Rivera Capón, acudiu a un adestramento do equipo Squash Monstruiños. O Executivo Provincial colabora con esta entidade deportiva con preto de 4.000 euros para axudar a sufragar os gastos de temporada. Ademais, tamén lles facilita o uso de dúas das pistas do Pazo Universitario. Por outra banda, dous dos seus xogadores con máis potencial, Olivia Mon e Hugo Mon, reciben unha bolsa que supera os 1.250 euros, enmarcada na liña de axudas para deportistas individuais.
O Club Monstruiños fai un importante labor dándolle visibilidade a este deporte, que está a experimentar un crecemento significativo entre os máis pequenos. Neste momento a escola conta con preto de 40 nenos que adestran, compiten e aprenden os valores do deporte. Durante a pasada competición galega Sub 13 e Sub 17 foi o club con máis participantes. Ademais desde este ano organiza unha liga de adultos, na que participan 32 xogadores.
Rivera Capón asegurou que “desde que naceu o club hai tres anos, moitos nenos e nenas animáronse a aprender squash, grazas en parte a filosofía da escola, que prioriza que os rapaces o pasen ben e descubran un deporte con moitos beneficios por riba da competitividade”.
Campionato de España
Os próximos días 15, 16 e 17 de febreiro o Pazo Universitario acollerá o Campionato de España de Squash Sub 11 e Sub 15 tanto en categorías femininas como masculinas. Durante o torneo preto de 80 rapaces competirán para acadar os títulos de 2019. Olivia Mon, é a campioa galega sub 13 quedou Sub campioa de España en Sub 11 no ano 2018. Hugo Mon, campión galego sub 15, pola súa banda, intentará mellorar o resultado do ano pasado, no que acadou a quinta praza.
