A Deputación colabora con AFALU na concienciación do Alzheimer

O Presidente da Deputación, José Tomé Roca, e os deputados de Réxime Interior, Promoción do Territorio e Turismo, Pilar García Porto, e de Promoción Económica e Social, Pablo Rivera, visitaron a mesa informativa e de sensibilización que instalou este venres na Praza de San Marcos a Asociación de Familiares e Enfermos de Alzheimer de Lugo (AFALU) para a concienciación con esta enfermidade. A Deputación colabora con AFALU cunha achega económica de 20.000 euros para axudar na atención dos pacientes e das súas familias.