A Deputación súmase aos actos do Día do Alzheimer alumeando a súa fachada de cor morada
A Deputación de Lugo súmase aos actos co motivo do Día Mundial do Alzheimer, que se celebra mañá, 21 de setembro. A fachada do edificio provincial alumearase toda a noite de cor morada, promovendo así a visibilidade desta enfermidade.
O Presidente da Deputación, José Tomé Roca, a Deputada de Réxime Interior, Promoción do Territorio e Turismo, Pilar García Porto, e o Deputado de Promoción Económica e Social, Pablo Rivera Capón, visitaron este venres a mesa informativa e de sensibilización con motivo do día mundial do alzheimer, que estivo situada na Praza de San Marcos.
A Deputación colabora coa Asociación de Familiares e Enfermos de Alzheimer de Lugo (AFALU) cunha achega económica de 13.000 euros, para axudar na atención dos pacientes e da súa familia.
