A Deputación súmase ao minuto de silencio en memoria das persoas falecidas a causa da COVID-19
A voceira provincial socialista, Pilar García Porto, o Deputado de Promoción Económica e Social, Pablo Rivera Capón, e a Deputada de Formación, Ensino e Economía do Coñecemento, Ana González Abelleira, participaron este mércores diante da Subdelegación do Goberno en Lugo no minuto de silencio convocado a nivel estatal no primeiro dos dez días de loito oficial decretados en memoria das persoas falecidas como consecuencia do coronavirus COVID-19.
As bandeiras do Pazo de San Marcos ondearán a media hasta ata o vindeiro 6 de xuño, período establecido polo Consello de Ministros como loito oficial.
