Aberto o proceso de selección de 6 novos postos de traballo do DepuEmprego en Vilalba
Os interesados deben dirixirse ao INEM ou aos Concellos para concorrer e poden atopar información no BOP e na web da Deputación www.deputacionlugo.com
No último ano, o Goberno da Deputación financiou un total de 308 postos de traballos en 66 Concellos da provincia. Faino cun investimento de 3,5 millóns de euros distribuídos en base a criterios obxectivos
A Deputada de Promoción Económica e Social, Sonsoles López Izquierdo, anunciou este xoves que xa está aberto o prazo para participar nos procesos de selección de 6 novos postos de emprego para traballar como peón en Vilalba. Farano grazas ao DepuEmprego, o programa de creación de emprego da Deputación para Concellos de menos de 20.000 habitantes. O requisito indispensable para poder optar a unha destas prazas é o de estar apuntado como demandante de emprego no INEM.
Para concorrer a calquera dos postos, as persoas interesadas que desexen participar no proceso de selección, deberán enviar as súas solicitudes dende hoxe 4 outubro, no INEM. Máis información, no propio Concello de Vilalba.
Os interesados deberán dirixirse ao INEM ou ao Concello para realizar os trámites de concorrencia, pois son os encargados de levar a cabo os procesos de selección dos candidatos, que comezarán tras o peche de recepción de solicitudes. Máis información no BOP, no taboleiro de anuncios do Concello ou en www.deputacionlugo.gal, no que hai un espazo habilitado.
