A Deputación acompaña á Milagrosa na gala veciñal que distingue a clubs e protagonistas do deporte lucense
O Deputado de Promoción Económica e Social, Pablo Rivera Capón, participou este venres na Gala do Deporte que organiza a Asociación de Veciños, Comerciantes e Industriais da Milagrosa. O acto, que tivo lugar no restaurante lucense Manuel Manuel, recoñeceu a traxectoria deportiva de case unha vintena de persoas e entidades da provincia. Ademais, a distinción especial da raqueta de ouro outorgóuselle ao tenista e xefe de servizo de Cardioloxía do Hospital Universitario Lucus Augusti, Carlos González Juanatey.
Rivera Capón felicitou aos galardoados e galardoadas neste evento e agradeceu á asociación o seu “incansable traballo, porque o que sucede aquí non é casualidade: cando unha veciñanza se organiza, cando colle a iniciativa e crea comunidade, pasan cousas extraordinarias e A Milagrosa leva anos demostrándoo”.
