José Tomé Roca subliñou nun encontro cos alcaldes da Montaña que a institución provincial conta cun investimento de 4,5M€ de fondos europeos para desenvolver este novo programa co que apoia a modernización e transformación dixital das entidades locais que voluntariamente decidiron adherirse

O Presidente destacou que os concellos “gañarán en proximidade, transparencia e axilidade” coas accións previstas no proxecto, que empeza mañá coa realización de auditorías e estará finalizado despois do verán

“Reforzamos un dos sinais de identidade da Deputación de Lugo, como é a cooperación cos concellos, de maneira constante, leal e respectando a súa autonomía municipal, para que poidan prestar máis e mellores servizos aos seus veciños e veciñas”, afirmou