Medio Rural colabora na reparación da liña eléctrica da estación de bombeo de augas da Pobra do Brollón
A área de Medio Rural colabora co Concello da Pobra do Brollón na reparación dunha liña eléctrica de media tensión (LMT) que subministra alimentación á estación de bombeo de augas, de titularidade municipal.
A deputada Mónica Freire explicou que “asinamos un convenio de colaboración para dar unha resposta áxil a unha demanda moi urxente que nos transladaron desde o Concello despois dos danos causados polo temporal Dora na liña que subministra electricidade á estación de bombeo de augas. Deste xeito tratamos de atender as necesidades prioritarias no ámbito rural dos concellos da provincia de Lugo”.
Segundo detallou o alcalde da Pobra do Brollón, Xosé Lois Maceda, “as intensas choivas sufridas durante o temporal os pasados 4 e 5 de decembro afectaron á planta potabilizadora de Río Loureiro e a ETAP de Domiz. Afortunadamente poidemos recuperar o servizo coa instalación dun xerador eléctrico que reactivou a potabilizadora, pero o custe deste tipo de solucións provisionais é moi elevado polo que a posibilidade de acometer a reparación definitiva foi moi positivo para o concello.
A estación de bombeo de augas dá servizo a nove parroquias do concello, que conta cuns 900 habitantes. Tratáse da Pobra do Brollón, Abrence, Castroncelos, Cereixa, Eixón, Estación, Fornelas, Lamaigrexa e Pinel, nas que hai varias explotacións gandeiras con animais que “non poden estar pendentes dun corte na submnistración de auga”, subliñou o alcalde.
A reparación da liña require un investimento de 15.400 euros, dos cales a área de Medio Rural achega 12.000 euros.
