Rede Museística organiza tres días de actividades co gallo Día Internacional do Patrimonio
Lugo, 14 de novembro de 2019.- A Rede Museística da Deputación organiza tres días de actividades en torno ao Día Internacional do Patrimonio, que se celebra o próximo sábado 16 de novembro, coincidindo co aniversario da sinatura da Convención sobre o Patrimonio Mundial Cultural e Natural que tivo lugar en París no ano 1972.
Este xoves todas as persoas interesadas poderán achegarse ata a mesa redonda que debaterá sobre Patrimonio e Sostibilidade. O sábado, a Rede Museística programa visitas guiadas preparadas especialmente para este día, destinadas a posta en valor do Patrimonio Cultural, así no Museo Provincial a visita leva o título: do nomadismo ao turismo; e no Museo do Mar: as comunidades mariñeiras como parte do patrimonio inmaterial de Galicia.
O propio sábado O Museo Fortaleza de San Paio de Narla organiza un obradoiro no que 20 nenos coñecerán o patrimonio da contorna para así aprender a valoralo.
Para finalizar o xoves 28 de novembro no Pazo de Tor terá Lugar o relatorio do escritor e divulgador Fernando Arribas Arias: Un exemplo de patrimonio esquecido e pouco valorado: cruceiros, cruces e petos de Monforte de Lemos.
Xoves, día 14 de novembro de 2019.
Ás 18:00 horas, na Sala Multiusos do Museo Provincial de Lugo, mesa redonda sobre Patrimonio e sostibilidade, moderada por Encarna Lago González, xerente da Rede Museística da Deputación de Lugo, que contará coas intervencións de:
- Mónica Díaz e Beatriz Pérez Pereira, da Asociación de Guías de Galicia.
- Pilar Sánchez Monje, de O sorriso de Daniel.
- Silvia Fiallega Lorenzo, da Rede Museística da Deputación de Lugo.
- María Núñez Pertejo, da Axencia Tee-Travel.
- Xosé Figueroa Lorenzana, do Pazo de Sabadelle Ecoagroturismo.
Sábado, 16 de novembro de 2019
- Ás 11:30, 12:30, 17:30 e 19:00 horas, no Museo Provincial de Lugo, visitas guiadas sobre a posta en valor da sostibilidade do patrimonio cultural baixo o título Do nomadismo ao turismo.
- De 12:00 a 14:00 horas, no Museo Fortaleza de San Paio de Narla (Friol), obradoiro: Coñece e valora desde nenez o teu patrimonio.
- Ás 16:00 horas, no Museo Provincial do Mar (San Cibrao, Cervo) visita guiada baixo o título “As comunidades mariñeiras como parte do patrimonio inmaterial de Galicia.”
Xoves, día 28 de novembro de 2019
Ás 18:00 horas, no Museo Pazo de Tor, relatorio de Fernando Arribas Arias sobre Un exemplo de patrimonio esquecido e pouco valorado: cruceiros, cruces e petos de Monforte de Lemos.
