Un obradoiro recuperará a tradición da pesca da anguía no Terras do Miño
Este sábado día 21 de setembro en horario de 10 a 14 horas, no Centro de Interpretación Terras do Miño, terá lugar unha nova actividade medioambiental gratuíta, A anguía no río Miño, etnografía e gastronomía. Esta iniciativa estará dedicada a os máis adultos e ten como obxectivo a conservación das tradicións e dos canteiros, unha maneira de dar visibilidade ao desaparecido arte da pesca da anguía, levado a cabo nos caneiros do río Miño.
A meta desta actividade é recordar o antigo modo de pesca da anguía, mostrar parte da etnografía dos caneiros para a pesca da anguía e fomentar a gastronomía tradicional e cultural relacionada coa anguía. Durante a xornada haberá charlas sobre a pesca e a etnografía e o obradoiro de unha receita tradicional e a súa degustación.
As persoas interesadas en participar nalgunha das actividades programadas deberán reservar a súa praza na páxina web www.deputacionlugo.gal ou en http://cursos.deputacionlugo.org/terrasmino_rato/; a través do correo electrónico und.medioambiente@deputacion.org e poden tamén chamar ao teléfono 982 227 813 para obter máis información.As inscricións faranse por rigorosa orde de inscrición, ata cubrir as prazas ofertadas.
