Cultura
Deputación de Lugo

A Capela de Santa María acolle a mostra fotográfica “No carro un latexar”, co apoio da Deputación

Exposición
cultura
No carro un latexar
Esta colección, que recolle 25 obras, foi unha iniciativa que promoveu a Asociación Cultural Amigos do Folión, para poñer en valor o mundo tradicional dos carros na nosa provincia, concretamente os da Comarca de Chantada

García Porto convidou “a todos os lucenses e visitantes a achegarse a Capela para coñecer e descubrir unha iniciativa artística que pon en valor a nosa cultura e nas nosas tradicións”

A autora , Lydia Castro, é fotógrafa e xornalista especializada en patrimonio histórico e cultural, e realizou estancias en diferentes institucións culturais como o Vitoria & Albert Museum de Londres ou o Instituto Andaluz do Patrimonio Histórico ( IAPH) de Sevilla, onde se especializou en dixitalización de fondos fotográficos

A Capela de Santa de María acolle, ata o 30 de marzo, a mostra fotográfica: “No carro un latexar. Cultura popular e identidade no Folión de Chantada”, realizada por Lydia Castro. Esta colección, que recolle 25 obras, foi unha iniciativa que promoveu a Asociación Cultural Amigos do Folión, co principal apoio da Deputación. A exposición estará aberta en quenda de mañá dende ás 11:00-14:00, e 17:00-20:00 horas pola tarde.

 

García Porto explicou que “esta exposición contribúe a poñer en valor, e ao mesmo tempo a dar proxección, o mundo dos carros na nosa provincia, concretamente os da Comarca de Chantada. Ademais, a través deste proxecto damos visibilidade e impulsamos unha iniciativa artística que pon en valor a nosa cultura e nas nosas tradicións”, sinalou.

 

A Deputada convidou a todos os visitantes e lucenses a achegarse a Capela de Santa María para desfrutar desta mostra. “Ademais facemos que esta exposición coincida este mes de marzo, para que todos os asistentes que acoden aos concertos do MUSICAD todos os sábados, poidan apreciar estas obras”, sinalou a Deputada.

Lydia Castro (Vigo, 1987)
Fotógrafa e xornalista especializada en patrimonio histórico e cultural. Licenciada en Xornalismo pola Universidade de Santiago de Compostela e técnica superior en Fotografía pola EASD Antonio  Faílde de Ourense. Traballou como bolseira para o xornal ELPAÍS, ademais de desenvolver un crecente interese no campo do patrimonio cultural. Realizou estancias en diferentes institucións culturais, como o Vitoria & Albert  Museum de Londres ou o Instituto Andaluz do Patrimonio Histórico ( IAPH) de Sevilla, onde se especializou en dixitalización de fondos fotográficos e bibliográficos históricos, así como en fotografía documental das diversas ramas do patrimonio cultural.

Últimas Novas